Put i tinanum guini na litråtu
Kada mes para guaha siha litråtun yetbas, trongku yan ottru siha na tinanum ni man matugi’ gi lepblun man a’amti. Esti na lepblu unu na prugråman i Inetnun Kutturan Natibun Marianas/Kkoor Aramasal Marianas (IKNM/KAM). Si Manuel F. Borja yan si Jose S. Roppul umispiha yan man mamaisin ayudu yan infutmasion ginin i man a’amti giya Saipan, Tinian yan Luta. Dispues matugi’ håfa na infutmasion manmanå’i siha gi finu’ Chamorro, Carolinian yan English. Man mapega lokkui’ litråtu yan infutmasion put i amut siha ya man inayuda ni lameggai na ufisinan gubietnamentu yan i pumalu siha ni matungu’ put inuskuåntus na åmut guaha giya Marianas.
Yanggin man maguf hamyu ni bumisisita iyun måmi website, put fabot na’ tungu’ ham kumu guaha mås tiningu’-miyu put esti siha na tinanum. Put rason na in fafaisin hamyu nu esti na ayudu, esta todu ha’ hit tumungu’ na man malilingu i tinanum gi tano’-ta ginin i titatungu’ put esti siha na tinanum yan håfa na ayudu guaha siha ginin i tinanum put åmut yan put i na’ ta ni manggai sustansia para tatåotåo-ta.
Pues yanggin manmalagu’ hamyu, tugi’i i IKNM/KAM gi email: iknmkam21@gmail.com put maseha håfa tininugu’ miyu put esti siha na tinanum gi litråtu.
Put ottru na rason, maila ya tana’ fåmta yan ta prutehi i kutturåta, i lingguahita yan i tiningo’-ta put i amot-ta siha mientras guaguaha manmalalagu’ yan mana’sisiña prumutehi håyi hit na tåotåo Marianas.
Maila’ ya tafan hita mo’na muna’ pusibli esti na guinifi.
Si yu’us ma’åsi’.
